Motorola Signature 27 లాంచ్: అదిరిపోయే ఫీచర్లు, భారీ ధర!

మోటోరోలా తన ఫ్లాగ్‌షిప్ స్మార్ట్‌ఫోన్ రేంజ్‌లోకి మళ్ళీ అడుగుపెట్టింది. కంపెనీ తన సరికొత్త Signature 27 ఫోన్‌ను అధికారికంగా ప్రకటించింది. ఈ ఫోన్ ప్రీ-ఆర్డర్స్ ఈరోజే మొదలైపోయాయి.

అమెరికా మార్కెట్‌లో ఈ ఫోన్ ధర $1,599 గా ఉండబోతోంది. ఇది 512GB స్టోరేజ్, 12GB RAM వేరియంట్‌తో వస్తుంది. అమెరికాలో ప్రస్తుతం ఇదే ఒకే ఒక వేరియంట్ అందుబాటులో ఉంటుంది. ఈ ఫోన్ Coal Smoke, Capulet Olive అనే కలర్ ఆప్షన్లలో వస్తుంది.

ఈ ఫోన్ స్పెసిఫికేషన్లు చూస్తే నిజంగా అది ఒక ఫ్లాగ్‌షిప్ అనిపిస్తుంది. ఇందులో Snapdragon 8 Elite Extreme Gen 6 చిప్ సెట్ వాడారు. ఫోన్ వేడెక్కకుండా ఉండటానికి “ArcticMesh” అనే కూలింగ్ సిస్టమ్‌ను, డైమండ్ ఇన్ఫ్యూజ్డ్ థర్మల్ జెల్‌ను అందించారు.

డిస్‌ప్లే విషయానికి వస్తే, ఇందులో Tandem OLED టెక్నాలజీ వాడారు. ఇది పాత OLED ప్యానెల్స్ కంటే 34% ఎక్కువ ఎనర్జీ సేవింగ్ చేస్తుంది. అంతేకాదు, దీని లైఫ్ స్పాన్ కూడా 121% ఎక్కువ ఉంటుందని కంపెనీ చెబుతోంది.

కెమెరా సెటప్ కూడా చాలా పవర్‌ఫుల్‌గా ఉంది. మెయిన్ కెమెరా 50MP Sony Lytia L910 సెన్సార్‌తో వస్తుంది. దీనితో పాటు అల్ట్రావైడ్, ఫ్రంట్ కెమెరా కూడా 50MP సామర్థ్యం కలిగి ఉన్నాయి. ఫోటోగ్రఫీ కోసం ఇందులో 200MP పెరిస్కోప్ టెలిఫోటో కెమెరా కూడా ఉంది. ఇది 3x ఆప్టికల్ క్వాలిటీతో పాటు 100x హైబ్రిడ్ జూమ్ సదుపాయాన్ని ఇస్తుంది.

వేగంగా కదిలే వస్తువుల ఫోటోలు క్లియర్ గా రావడానికి ఇందులో ప్రత్యేకమైన EVS యాక్షన్ సెన్సార్ ఉంది. దీనివల్ల “Action Shot” మోడ్‌లో ఫోటోలు చాలా షార్ప్‌గా వస్తాయి. సౌండ్ కోసం Bang & Olufsen కంపెనీ ట్యూన్ చేసిన స్పీకర్లను ఇందులో ఇచ్చారు.

బ్యాటరీ గురించి చెప్పాలంటే, ఇందులో 7,000 mAh భారీ బ్యాటరీ ఉంది. ఇది 90W వైర్డ్ ఛార్జింగ్‌ని సపోర్ట్ చేస్తుంది. వైర్‌లెస్ ఛార్జింగ్ కోసం 50W స్పీడ్ అందుబాటులో ఉంది. అయితే ఇందులో Qi2 సపోర్ట్ మాత్రం లేదు.

సాఫ్ట్‌వేర్ పరంగా ఇది Android 17 తో వస్తుంది. మోటోరోలా దీనికి 7 ఏళ్ల పాటు OS, సెక్యూరిటీ అప్‌డేట్స్ ఇస్తామని చెప్పింది. గూగుల్ Pixel తర్వాత Gemini Intelligence ఫీచర్లను పూర్తిగా సపోర్ట్ చేస్తున్న మొదటి బ్రాండ్‌గా మోటోరోలా నిలిచింది. ఇందులో Gboard Rambler, “Create My Widget,”, Sign-To-Text ASL ట్రాన్స్‌లేషన్ వంటి ఫీచర్లు ఉన్నాయి.

అమెరికాలో నవంబర్ 19న ఈ ఫోన్ లాంచ్ అవుతుంది. ఒకవేళ మీరు Motorola.com ద్వారా ప్రీ-ఆర్డర్ చేస్తే, “లిమిటెడ్ టైమ్” ఆఫర్ కింద ఉచితంగా Moto Watch Ultra (Wear OS ఉన్నది), ఒక సంవత్సరం పాటు “motocare” ఎక్స్‌టెండెడ్ వారంటీ పొందవచ్చు. కండిషన్స్ కోసం అధికారిక పేజీ చూడండి.